ඒ කාලේ ඉතින් ගෙදරක රූපවාහිනියක් තියෙනවා කියන්නේ, අද කාලේ ගෙදර ලැම්බෝගිනියක් තියෙනවා වගේ තමයි. දැන් නම් රිමෝට් එක හතර අතට ඔබලා, වැඩසටහන් බලන්න පුළුවන්කම තිබුණට, ඉස්සර තිබුණේ චැනල් කීයෙන් කීයද? අඟල් දොළහේ කළු සුදු රූප පෙට්ටිය ඉස්සරහ ගෙදර හැමෝමත් එක්ක වාඩිවෙලා, ඇස් කන් අයාගෙන රූපවාහිනිය බලපු කාලයක් ඔයාලටත් තියෙන්න ඇති.

කොහොම වුනත් මේ සිංදු ටික ඇති පදමට අහල පද පේලි ටික මතක තියාගෙන ඉන්න එකෙන් නම් පාඩුවක් වෙන එකක් නෑ. අපි කිව්ව වගේ යාලුවො සෙට් වුනු වෙලාවක දමල අරින්න බැරියැ කට්ටියට පැය ගාණක් තිස්සෙ නටන්න.