ලංකාව කියන්නේ බොහොම ලස්සන රටක් බව අමුතුවෙන් කියන්න ඕනේ නැහැනේ. රට වටකරගත්ත ලස්සන මුහුදු තීරයයි, අවුරුදු 120,000කටත් වඩා පරණ ප්‍රෞඩ ඉතිහාසය වගේ ම පරම්පරා ගණනාවක් තිස්සේ පැවතගෙන එන කලා ශිල්ප, කටට රහට හැදෙන කෑම, ස්වාභාවික සෞන්දර්යය ආදී දේවල්වලින් පෝෂණය වුණු ලංකාව ලෝකය පුරා සංචාරකයන්ගේ අවධානය දිනාගත්ත රටක් බවට පත්වෙලා තියෙනවා.
හැබැයි ලංකාවේ සිරියාව බලන අතරේ, ඉඳල හිටලා පිටරටකටත් ගිහින්, ඒ රටවල්වල අලංකාරේ බලන්නත් පුළුවන් නම්, අපේ කාටකාට වුණත් හොඳ අත්දැකීමක් වේවි. හැබැයි ඉතින් ඔය වීසා කේස් නිසා ඒ වගේ වැඩ ලෑස්ති කරන එක ඒ හැටි ලේසි වැඩකුත් නෙවෙයි. 2018 අවුරුද්දේ ආව පාස්පෝර්ට් ඉන්ඩෙක්ස් එකට අනූව ලංකාවේ පාස්පෝර්ට් එක තියෙන්නේ #189 වෙනි ස්ථානයේ. ඉතින් බයක් සැකක් නැතුව මේ පාස්පෝර්ට් එකත් අරගෙන, වීසා ගැටළු ගැන කරදර නොවී යන්න පුළුවන් රටවල් 37ක් ගැන කියන්නයි අපි මේ ලෑස්ති වෙන්නේ.
Image credits: vetlogic.co
බහාමාස් කියන්නේ හනිමූන් යන අය අතරේ බොහොම ප්‍රසිද්ධ රටක්. මොකද ඒ තරමට ආකර්ෂණීය ස්වභාව සෞන්දර්යයක් මේ රටේ දැකගන්න ඇහැකි. වීසා නැතුව මාස තුනක් මේ රටේ කිසිම අවුලක් නැතුව ගත කරන්න පුළුවන්.
2. Barbados – වීසා නැතුව මාස 6ක් ම ඉන්න ඇහැකි.
3. Bolivia
මෙතැන තියෙන්නේ Visa on arrival (VOA) තත්ත්වයක්. ඒ කියන්නේ පැමිණීම මත වීසා ලැබෙනවා. හැබැයි ඒක වලංගු වෙන්නේ දවස් 90ක් යනතුරු විතරයි.
4. Burundi – මේකේ තත්ත්වයත් බොලිවියාවේ වගේ ම තමයි. දවස් 90ක් යනතුරු Visa on arrival (VOA) එක ගණන් ගැනෙනවා.
5. Cape Verde – පැමිණීම මත වීසා
6. Comoros – පැමිණීම මත වීසා
7. Djibouti – පැමිණීම මත වීසා
8. Dominica – මාස 6ක් යනතුරු වීසා අවශ්‍ය වෙන්නේ නැහැ
9. Ecuador
ලංකාව වගේ පොඩි රටක් වුණත්, මදි නොකියන තරමට බලන්න පුළුවන් දේවල් තොගයක් මේ රටෙත් තියෙනවා. ඉතින් මේකෙත් දවස් 90ක් යනතුරු වීසා අවශ්‍ය වෙන්නේ නැහැ.
10. Grenada – මාස 3ක් යනතුරු වීසා අනවශ්‍යයි.
11. Guinea-Bissau – මේ රටේ තත්ත්වෙත් අර බොලිවියාවේ සහ බුරුන්ඩි කියන රටවල්වල වගේ. දවස් 90කට වලංගු වෙන විදියේ පැමිණීම මත වීසා එකක් ලබාදෙනවා.
12. Haiti – හයිටියට ගිහින් එන්න නම් වීසා මොනවත්ම ඕනේ නැහැ.
13. India
ඉන්දියාවට ඕනේ නම් e-Tourist Visa අරගෙනත් එන්න ඇහැකි. හැබැයි තෝරාගත්ත සමහර එයාර්පෝර්ට්වලින් විතරයි.
14. Indonesia
දවස් 30ක් යනතුරු වීසා අනවශ්‍යයි.
15. Iran – මාසයක් යනතුරු වීසා නැතුව මේ රටේ ඉන්න පුළුවන්.
16. Kenya
කෙන්යා කියන්නේ සෆාරිවලට බොහොම ප්‍රසිද්ධ රටක්. විශේෂයෙන් ම සිංහයෝ එහෙම බලන්න කියාපු රට. ඉතින් මාස 3ක් යනතුරු e-Visa එකකින් කෙන්යාවේ ඉන්න ඇහැකි.
17. Lesotho – දවස් 90ක් යනතුරු වීසා ගැන වද නොවී ඉන්න පුළුවන් තවත් රටක් තමයි මේ.
18. Madagascar – අර කලින් කිව්ව බොලිවියාව, බුරුන්ඩි රටවල්වල වගේ දවස් 90කට වලංගු වෙන පැමිණීම මත වීසා ලබාදෙන්න මැඩගස්කර් කටයුතු කරනවා.
19. Malawi – පැමිණීම මත වීසා
20. Maldives
ලංකාවේ තියා කොහේ හිටියත්, මුහුදු තීරයක් කියන්නේ කෙනෙක්ට තමන්ගේ ජීවිත කාලය ඇතුළත කොච්චර සුන්දරත්වය බැලුවත් එපා වෙන්නේ නැති දසුනක්නේ. මාලදිවයින කියන්නෙත් අන්න ඒ වගේ ලස්සන මුහුදු තීරයකුයි, ඒ හා බැඳුණු රෙස්ටෝරන්ට්, හොටෙල් බොහොමයකුයි තියෙන රටක්. මේ රටෙත් දවස් 30කට VOA ලබාදෙනවා.
21. Mauritania – පැමිණීම මත වීසා
22. Micronesia – දවස් 30ක් යනතුරු වීසා අනවශ්‍යයි.
23. Mozambique – මාලදිවයින වගේ ම තමයි. දවස් 30කට පාවිච්චි කරන්න පුළුවන් විදියට, පැමිණීම මත වීසා ලබාදෙනවා.
24. Myanmar
මියන්මාරය කියන්නේ සංස්කෘතික වගේ ම ආගමික වටිනාකම් බොහොමයක් තියෙන රටක්. ඉස්සර බුරුමය කියල හැඳින්වුණෙත් මේ රටම තමයි. දවස් 28කට වලංගු වෙන e-Visa එකකුත් අරගෙන මේ රටට යන්න ඇහැකි. හැබැයි රැන්ගුන් එයාර්පෝර්ට් එකෙන් එනවනම් විතරයි ඒ චාන්ස් එක ඔයාලට හම්බවෙන්නේ.
25. Nepal
බොහොම සරළ විදියට ජීවිත ගත කරන මිනිස්සු ඉන්න නේපාලය, ආගමික පැත්තටත් බොහොම බර රටක්. ඉතින් මේ රටේ සංචාරයකට ගිහින් එනවා නම් දවස් 90කට සරිලන විදියේ පැමිණීම මත වීසා ලබාගන්න ඇහැකි.
26. Palau – දවස් 30කට වලංගු පැමිණීම මත වීසා ලැබෙනවා.
27. Saint Kitts & Nevis – දවස් 30ක් යනතුරු වීසා ඕනෙකමක් වෙන්නේ නැහැ.
28. Saint Vincent & the Grenadines – Saint Kitts & Nevis වගේ ම තමයි. මේ රටට යන්නත් දවස් 30කට වීසා ඕනේ වෙන්නේ නැහැ.
29. Samoa
එන්ට්‍රි පර්මිට් එකක් අරගෙන මේ රටට එන්න ඇහැකි. හැබැයි දවස් 60කට විතරයි ඒක වලංගු වෙන්නේ.
30. Senegal – පැමිණීම මත වීසා
31. Seychelles – මේ රටට ගියොත් ඒ කට්ටිය ඉල්ලන්නේ visitors permit එක. හැබැයි මාසෙකට විතරයි ඒකත් වලංගු.
32. Singapore
හැමදාම එක තැන හිර වෙලා ඉන්නේ නැතුව, බොහොම මහන්සියෙන්, කැපවීමෙන් වැඩ කරලා, දියුණුවේ හිනිපෙත්තට ම ආව සිංගප්පූරුවට යන්න කවුද ආස නැත්තේ? අපේ කට්ටිය සති අන්තෙකට හරි ෆැමිලි වැකේෂන් එහෙම දාගෙන මෙහෙ යන්නේ ඒකනේ. වීසා නැතුව මාසයක් වුණත් සිංගප්පූරුවේ ඉන්න ඇහැකි.
33. Timor-Leste – දවස් 30කට වලංගු පැමිණීම මත වීසා
34. Togo – මෙහෙත් තියෙන්නේ පැමිණීම මත වීසා. හැබැයි වලංගු දවස් 7කට විතරයි.
35. Tuvalu – මාසයක් යනතුරු වලංගු පැමිණීම මත වීසා එකක් ලබාදෙනවා.
36. Uganda
මාස තුනකට සරිලන පැමිණීම මත වීසා ලැබෙනවා.
37. Vanuatu – දවස් 30ට වීසා අවශ්‍ය වෙන්නේ නැහැ.
එහෙනම් ඉතින්, කල් යල් බලලා, පොඩ්ඩ පොඩ්ඩ සල්ලි කීය කීය හරි එකතු කරලා ලෝකේ වටේ ට්‍රිප් එකක් ගිහින් එන්න ලෑස්ති වෙමු නේද? වීසා කරදරත් නැති නිසා මෙන්න රටවල් ටිකත් සලකලා බලන්නකෝ.
