1. The Brown Bean Coffee
අපේ චතු තමයි මේ අපූරු ප්ලේස් එක ගැන මේ විදියට කියන්නෙ..
“අපි ගත්තා රෝස්පාන් එග් සැන්ඩ්විච් එකයි (රු. 180), ස්පයිසි චිකන් සබ්මැරීන් එකයි (රු. 500). රෝස්පාන් එග් සැන්ඩ්විච් එක උණු උණුවෙ මේසෙට ආවෙ. ඇතුළට බැදපු බිත්තරයක් එක්ක චීස්, පොල් සම්බෝල පුරවලා ටෝස්ට් කරලා. හරිම මෘදුයි. පොල් සම්බෝලෙ සැරත් හොඳට තියෙනවා. ඒකට චීස් රසයි, බිත්තරෙයි එකතු වෙලා එද්දී..?
ස්පයිසි චිකන් සබ්මැරීන් එකත් පංකාදුයි. සලාද කොළ, ගෝවා, මාළු මිරිස්, අමුමිරිස්, කැරට්, ලූනු එක්ක චිකන් තොගයක් මැද්දට දාලා. බන් එකත් ෆ්‍රෙෂ් ගතියට වගේම හොඳ සොෆ්ට් එකට. චිකන් ටිකත් තරමක් සැරයි. කොහොම වුනත් එකට නම් තව චීස් පොඩ්ඩක් එන්න ඔ්න.”
2. Tea Avenue
මෙනුව පිරෙන්න තියෙන්නෙ වොෆල්, සැන්ඩ්විච්, පැස්ටා, බර්ගර් වගේ කෑම. ඒ අතරට හොට් ඇන්ඩ් කූල් තේ, කෝපි, ෆෘට් ජූස් එහෙමත් තියෙනවා.
මෙයාලගෙ ඩබල් ඩෙකර් චිකන් බර්ගර් (රු. 1250) තඩි පැටි තුනක් එක්ක මේසෙට එන්නෙ. හැබැයි හොඳ මෘදු ගතියට හදපුවා. ලුණු, ගම්මිරිස් පදමත් පංකාදුවට තියෙන්න.. සලාද කොළ, තක්කාලි, අච්චාරු, ස්වීට් සෝස් එහෙමත් නූලට, තිතට, රසට!
කොහොම වුනත් කටට රහටම සෙට් වෙන්නෙ හොට් මොසරැල්ලා ස්ටික්ස් (රු. 680) රන්වන් පාටට ගැඹුරු තෙලේ බැදපු, චීස් සහ කිරි රසත් තලු මැරෙන පදමට තියපු, ක්‍රන්චි ගතියෙන් අනූන..
ෂැහ්, හොට් සෝස් ටිකක් ගා ගත්තම?
3. Tea Syndrome
ටොප් චිකන් ලොලිපොප් සෙට් එකක් රු. 375ට. කුළුබඩු සහ ස්වීට් සෝස් රස පදමට දාලා චිකන් වින්ග්ස් සහ තයිස් වලින් හදපු ලොලිපොප්.. ලී කූරක ගහලා, රස සුවඳ ගැලපෙන්න ග්‍රිල් කරලා එහෙම මේසෙට එන්නෙ ඈ..
ඒ වගේම තමයි මෙයාලගෙ චිකන් මයිට්ස් රු. 285යි. ඒවා ඇවිල්ලා මස් සහ මාමයිට් එකතු කරලා හදපු බෝල. ලුණු රස පදමට ගලපලා ස්මෝක් කරලා හදන්නෙ.
රු. 400ට හැදෙන මෙයාලගෙ සියබට්ටා සැන්ඩ්විච් එකත් නොම්මර එකයි. රස වෑහනෙ සීනී සම්බෝල සහ මස් බෝල වලින් පුරවලා හදන්නෙ. ඊටත් ඒක උණු උණුවෙ රස බලනකොට?
විශේෂයෙන්ම කියන්න ඔ්න මෙයාලගෙ කුකීස් එහෙමත් හරිම රසයි. චොකෝ චන්ක් මේනියා (රු. 145) කුකිය.. දිව නටවන සුලුයි හොඳේ..
4. Pink Platter
මේකත් චතූ‌ෙගෙම අත්දැකීමක්..
“අපි ගත්තා චීස් ඇන්ඩ් පොල් සම්බල් රෝස්ට් පාන් එකක්. රු. 230යි. හොඳ ෆ්‍රෙෂ් එකට, ගාණට ලුණු ඇඹුල්, සැර පදමට හදාපු පොල් සම්බෝලෙකින් පුරවලා.. හැබැයී.. චීස් නං දාලා තිබුණෙම නැති තරං!
චිකන් සමෝසා පෝෂන් එක රු. 240යි. සමෝසා තුනක් එනවා. පුංචි වුණාට රස පංකාදුයි. හොඳ ක්‍රිස්පි ගතියයි. ඇතුළට දාල තිබුණ චිකන් ෆිලිං එකත් නොම්මර එකයි
චිකන් ෂවර්මා රු. 420යි. ගෝවා සහ චිකන් මික්ස් කරපු ෆිලිං එකකින් තමයි පුරවලා තිබ්බෙ. හොඳට සෝස් එහෙමත් දාලා. රැප් එකට තෙල් ගතියක් අල්ලලා තිබුණට ඒකෙ රස අතින් නම් අඩුවක් ඇත්තෙම නෑ.
බ්‍රවුනීස් රු. 290යි. පංකාදු ඩෙසට් එක. පෝෂන් එකට එන්නෙ නම් බ්‍රවුනි 2යි. හැබැයි හොඳ ගානට මෙලෙක් ගතිය තියෙන, පැණි රස වැඩිත් නැති, සයිස් එකෙනුත් ලොකු.. සුපිරි බ්‍රවුනි.
5. Lemon Drop Cafe
බ්ලූබෙරි පෑන්කේක්. රු. 400යි. බ්ලූබෙරි සිරප් දාලා තරමක් රස කරලා තිබ්බත්, ඩෙකරේෂන් එකට දාලා තිබ්බ බ්ලූ බෙරි නිසා තමයි හොඳ පෙනුමක් රස ඇවිල්ලා තිබුනෙ.
නටෙලා, ස්ට්‍රෝබෙරි සහ විප්ඩ් ක්‍රීම් වොෆ්ල් එක රු. 590යි. රන්වන් පාට තුනී වොෆල් සමඟ ස්ට්‍රෝබෙරි මදි නොකියන්න දාලා, විප්ඩ් ක්‍රීම් සහ නූටෙලා මික්ෂර් එකකුත් රස පදමට තවරලා.. රසයි කියන්නේ..!
ලෙමන් ඩ්‍රොප් කැෆේ සැන්ඩ්විච් එක රු. 690යි. තරමක් ඝනකම්. රසත් අඩුයි. දාපු කුකුළු මස්වල කූල් එකවත් හරියට ගිහිල්ලා නෑ. හරිම සවුත්තුයි අප්පා..!
6. Sindy's Patisserie
මේ කතාවත් චතූගෙන්මයි..
“අපි ගත්ත බේකන් ඇන්ඩ් එග් පේස්ට්‍රියයි (රු. 110) චිකන් පයි එකයි (රු. 120). හොඳට පෙනුමට ලොකුවට තිබුණට පේස්ට්ක ඇතුළේ නිකංම බේකන් පෙත්තකින් ඔතපු බිත්තර බාගයක් විතරයි තිබුණෙ. අඩුම ගානෙ ලුණු, ගම්මිරිස්වත් නෑ. හැබැයි චිකන් පයි එක නං ටිකක් හොඳ තත්ත්වයේ තිබුණා. ලූනු, කැරට් එහෙම මික්ස් කරපු හොඳ චිකන් ෆිලිං එකක් දාලා තමයි හදලා තිබ්බෙ.
මෙයාලගෙ චොක්ලට් ඉක්ලෙයාර් එක රු. 90යි. ඒක නං සුපිරි. ඒ හැරුනාම ඉක්ලෙයාර්, කප් කේක්, චීස් කේක් වගේ පංකාදු ඩෙසට් ටිකකුත් තියෙනවා.”
