දිනෙන් දින, පියවරෙන් පියවර, නගරයෙන් නගරයට සිය අතුඉති විහිදමින් ඔබට වඩාත් පුළුල් සේවාවක් සපයන්නට කැප වී සිටින PickMe Food, සිය නවතම පියවර ලෙස ඓතිහාසික කුරුණෑගල නගරයට සම්ප්‍රාප්ත වෙන බව අප ඔබට දැනුම් දෙන්නේ ඉමහත් සතුටින්.
ඒ අනුව 2021 මාර්තු 08 සඳුදා සිට කුරුණෑගල නගරය ආශ්‍රිතව ජීවත් වන ඔබට අවශ්‍ය ආහාරපාන, ඔබ සිටින තැනට ම ගෙනත් දෙන්නට PickMe Food සූදානම්. ඉතින් මේක කුරුණෑගල සහ ඒ අවට ඉන්න හැමෝටම සුබ ආරංචියක් වේවි.
වසර ගණනාවක් තිස්සේ PickMe Food දිවයිනේ ප්‍රධාන නගර රාශියක් ආවරණය කර සිය සේවාව විහිදමින් රටේ ආර්ථික තත්ත්වය වඩවඩාත් ඉහළ නැංවීමට අත්වැලක් වුණා. එහි අලුත් ම පියවර වශයෙන්, ප්‍රෞඪ ඉතිහාසයක් ඇති කුරුණෑගල පුරවරයට පිවිසීමට අප දොරගුළු විවර කරගන්නේ ඉතා සතුටින්. ඉතින් නවීන තාක්ෂණය හා මුසු වෙමින් කුරුණෑගල නගරයේ සුවහසක් පාරිභෝගික ජනතාවගේ දෛනික ජීවිතය සුවපහසු කරන්නට PickMe Food අප දැන් සැදී පැහැදී සිටිනවා.
ඔබ හොඳින් දන්නා පරිදි ම, PickMe Food සියයට සියයක් දේශීය ආයතනයක්. ඒ නිසා ම අප සමග එක් වන ඔබේ මුදල් යෙදවෙන්නේ අප රටේ ම ආර්ථික සංවර්ධනය වෙනුවෙන්. ඒ වගේ ම PickMe Food ඔබේ ප්‍රදේශයට පැමිණෙනවා කියන්නේ, ප්‍රදේශය ආශ්‍රිත ව අලුත් රැකියා අවස්ථා විශාල ප්‍රමාණයක් උත්පාදනය වෙනවා කියන එක. ඉතින් ඔබත් ඉන්නේ රැකියාවක් බලාපොරොත්තුවෙන් නම්, ඔබේ ජීවිතයට නව මාවතක් එළිපෙහෙළි කර දෙන්න අප සූදානම්. PickMe Food සමග එක් ව ආහාරපාන බෙදාහරින්නෙකු වශයෙන් නව රැකියාවකට මුල පුරමින් සැලකිය යුතු ආදායමක් උපයන්න ඔබට අවස්ථාව තියනවා.
විශේෂයෙන් ම රටේ ජීවනාලිය වන කාන්තා පරපුර මූල්‍යමය අතින් ස්වාධීන සහ ශක්තිමත් පිරිසක් බවට පත් කරන්නට අතහිත දෙන්න අප බොහොම කැමැත්තෙන් ඉන්නවා. ඒ නිසා ආහාරපාන බෙදාහරින්නන් වශයෙන් PickMe Food සමග එකතු වෙලා මුදල් උපයන්න කුරුණෑගල ප්‍රදේශවාසී කාන්තාවන්ටත් දැන් පුළුවන්. ඒ වගේ ම, අප සමග එක් ව වෘත්තීය ස්ථාවරත්වය ළඟා කරගන්නට කුරුණෑගල ප්‍රදේශයේ තරුණ තරුණියන්ටත් අප ඇරයුම් කරනවා.
පාරිභෝගික ඔබ මහන්සි වෙලා දුර බැහැර ගෙවාගෙන අවන්හලකට ගිහින් ආහාරපාන මිලට ගන්නවා වෙනුවට, PickMe Food ඔබේ ජීවිතය වඩාත් පහසු කරමින් ඔබ ළඟට ම කෑමබීම සපයනවා. ඒ ඔබේ කාලය, මුදල් වගේ ම ශ්‍රමයත් ඉතිරි කරමින්. මේ දිනවල රට පුරා පැතිරෙන කොරෝනා වසංගතය හේතුවෙන් වැඩිපුර සෙනඟ ඉන්න තැන්වල ගැවසෙන එක කොහොමත් අනතුරුදායකයි නේ. ඉතින් ඔබ ජනාකීර්ණ ස්ථානවලට යන එන එක සීමා කරන්නත් PickMe Food උදව් වෙනවා.
PickMe Food සමග ආහාරපාන ඇණවුම් කිරීම බොහොම පහසුවෙන් කළ හැකි දෙයක්. ඔබේ ස්මාට් ජංගම දුරකතනයට PickMe ඇප් එක ඇතුළු කරගත්තට පස්සේ, එහි Food කොටසට පිවිසෙන්න. ඔබ සිටින ස්ථානය, නැත්නම් ඔබේ ලිපිනය නිවැරදිව ඇතුළත් කරන්න. එවිට ඔබේ ප්‍රදේශයට අදාළ අවන්හල් ලැයිස්තුවක් ඔබට දිස් වෙනවා ඇති. එයින් ඔබ කැමති අවන්හලක් තෝරලා, ඉන් ඔබට අවශ්‍ය ආහාරපාන සහ ඒවායින් ඔබට අවශ්‍ය ප්‍රමාණය සටහන් කළ යුතුයි. ඉන් පස්සේ Add to cart යන්න ටච් කරලා My cart වෙත පිවිසෙන්න. ඔබේ ඇණවුම නිවැරදි දැයි පරීක්ෂා කර බලන්න. කෑෂ් හෝ කාඩ් යන ක්‍රම දෙක අතුරින් ඔබ කැමති ගෙවීම් ක්‍රමයක් තෝරාගත හැකියි. පසුව Place the order ටච් කරලා ඇණවුම තහවුරු කරන්න. එවිට අවන්හල ඔබේ ඇණවුම භාරගත් බවට, ආහාර සූදානම් කර ඇති බවට, PickMe Food බෙදාහරින්නෙකු ඇණවුම ලබාගත් බවට සහ, ඔබට ආහාර ඩිලිවර් කළ බවට, පිළිවෙළින් තිරයේ ලකුණු වනවා. ඒ අනුව ඔබේ ආහාර ඇණවුම ඔබ ළඟටම ලැබෙනු ඇති.
ඔබ කුරුණෑගල ප්‍රදේශයේ අවන්හල් හිමියෙකු නම්, PickMe Food සමග ලියාපදිංචි වී ඔබට ඔබේ අවන්හල වෙත තවතවත් පාරිභෝගිකයන් ආකර්ෂණය කරගන්න පුළුවන්. ඒ ඔස්සේ ඔබේ ආහාරපාන අලෙවිය වඩාත් පුළුල් කරගන්න ඔබට අවස්ථාව සැලසෙනවා.
ඉතින් මේ අයුරින් ශ්‍රී ලාංකික ජනතාව වෙනුවෙන් සුහද සහ විශිෂ්ට සේවාවක් සපයන්නට, ඒ ඔස්සේ තවදුරටත් රටේ මූල්‍ය ආර්ථික තත්ත්වය නඟා සිටුවීම සඳහා උර දෙන්නට, PickMe Food අප බලාපොරොත්තු සහගත දෑසින් පසු වෙනවා. ඒ සඳහා කුරුණෑගල පුරවරයේ ඔබ අප සමග මිත්‍රශීලීව අත්වැල් බැඳගනු ඇතැයි අප සිතනවා. අපේ සේවාවෙන් ඔබේ ජීවිතය සුවපහසුවෙන් සහ තෘප්තියෙන් පිරෙනු දැකීම අපේ එක ම අරමුණයි.
